Der is omraak moete: 224 persoanen ha yn de Johannestsjerke op besite west. De measten kamen fansels út Top & Twel fanwege de foto-útstalling, mar fierders kamen lju út Snits, Grou, Gorredyk, Sondel, Easterein, Twente, Zuidhorn, Deinum, Barneveld, Enschede, Scharnegoutum, Buitenpost, Ommen, Bedum, Heerenveen, Garyp, Joure, Haulerwijk en sels Canada nei us iepen Johannestsjerke!
Net alle besikers dy’t foar de tsjerke kamen skriuwden yn it gasteboek, mar men wie fol lof: “mooi kerkje – zoldering erg mooi – mooi orgel – erg mooi gebouw”.
By de foto’s binne in soad oantinkens ophelle. It wie betiden sa’n gekeakel dat it de achtergrûnmuzyk oerstimde.
Wolter en Durk hiene de âlde foto’s by famyljes opdûkt, amateur fotograaf Vincent Hesselink (Sjaerdawei) hat de aktuele sitewaasje fotografearre en Froukje Dijkstra, skoandochter fan Wolter, hat it ta in kollaazje makke. In bealch fol wurk hat it west. Mar it wie in grut sukses!
Foar it ûnderhâld fûns mochten we € 81,60 ûntfange.
Alle frijwilligers fan ôf dit plak noch tige tank foar de tiid dy’t deryn stutsen is.
Groetnis fanút de tsjerkerie, Hil D
