It FNP-bestjoer is der opnij yn slagge om it maksimum oantal fan 50 kandidaten foar de ferkiezingslist te finen en ek nochris ferspraat oer de hiele gemeente Súdwest-Fryslân; fan Warkum oant Wâldsein en fan Sândfird oant Snits.
De nûmers 2 oant 10 fan de list binne fertroude en nije gesichten:
2. Corrie Bergstra (Snits) 3. Sicco Rypma (Blauwhûs) 4. Douwe Blom (Drylts) 5. Jikkie Ruiter (Warkum) 6. René van der Ley (Boalsert) 7. Thea Hoekstra (Reahûs) 8. Durk Stoker (Koudum) 9. Jelle van Netten (Wâldsein) 10. Henk de Boer (De Hommerts).
Nei de presintaasje fan de kandidaten en it stimmen wie it tiid foar in slokje om it resultaat te fieren. Mei “Tsjoch, we kinne mar grutsk wêze op ús moaie ploech” waard de gearkomste troch foarsitter Thea Hoekstra ôfsletten.
