De betinking by de Hermes-tsjerke wie krekt as oare jierren ynbannich en moai troch de ienfâld. It gedicht fan de skoalbern, de taspraak fan riedslid Pieter Greidanus, krâns- en blomlizzing, it Wilhelmus en it Fryske folksliet, én it twa minuten stilwêzen. Twa minuten liket sa koart, mar de betsjutting derfan wurdt opnij hieltyd wichtiger.
Fanwege 80 jier frij wie der oanslutend in ferhalejûn yn de tsjerke mei persoanlike ferhalen oer de oarloch en waard der in koarte film fertoand mei bylden fan Twellingea.
